Espero que de...

أرجو من أي واحد كان في يوم من الأيام جندي كنت مسئول عنه في أي شيئ أنه يسامحني إذا كنت قصرت في حقه

28 مايو 2016
كل لما افتكر اني كنت في يوم من الأيام ضابط ومسئول عن عساكر أخاف يوم الحساب
تخيلوا كدا معايا اني طوال السنين اللي اشتغلتها ضابط قابلني آلاف الجنود كنت مسئول عنهم في وقت من الأوقات
تخيلوا معايا انني هتحاسب عن كل واحد فيهم يوم القيامة وهقعد مدة كام سنة لغاية لما يخلص حسابي أدام ربنا ويا ترى نتيجة هذا الحساب ايه
أنا خايف من هذا اليوم وحاسس اني هكون من الهالكين
أرجو من أي واحد كان في يوم من الأيام جندي كنت مسئول عنه في أي شيئ أنه يسامحني إذا كنت قصرت في حقه ولو له حق عندي فأنا تحت أمره يقابلني وياخد حقه مني
لا اله إلا انت سبحانك إني كنت من الظالمين 

Publique seu comentário