بعد خروجي من الجيش حاولت اشتغل في شركات أمن فلقيت كل اللي ماسكنها ضباط جيش متقاعدين وطبعا بيعرفوا علطول السوابق بتاعتي مع الثورة فتكون النتيجة اني مشتغلش معاهم
الطريف ان ناس عرضت عليا اني اشتغل في فالكون وطبعا مكنش ينفع اشتغل فيها والاقي نفسي في مواجهات مع ثوار الجامعه
فقررت اني اغير المسار وقررت إني أدرس دورات تؤهلني للعمل في السلامة والصحة المهنية علشان اشتغل في المصانع والإنشاءات كمسئول عن توفير السلامة العمال وهذا المجال أغلب من يعمل به هم خريجي الهندسة والعلوم
كل دورة أحضرها والناس تيجي تعرف نفسها الكل بيقول انا مهندس وأعمل في شركة كذا وكذا فيجي عليا الدور وأقول ضابط جيش بالمعاش ساعتها الكل يبص ليا ويقول انت بتعمل معانا ايه وطبعا مش بقول لحد على السوابق بتاعتي علشان مشغلش نفسي في مناقشات
الصورة وأنا في دورة NEBOSH IGC وهي أهم دورة عالمية متخصصة في السلامة والصحة المهنية وشهادتها من انجلترا
طبعا انا بذاكر كتير اليومين دولم فأرجوا ان تعذروني لإنشغالي عنكم في هذه الفترة فانا مش هينفع افضل طول عمري قاعد في البيت من غير شغل