Для друзів, які запитують мене про приєднання до Uber та Careem, ось моя порада.
الشغل كان في اوبر كان على اساس ان اللي معاه عربيه يشتغل بيها اثناء وقت فراغه كمورد اضافي لصاحب السيارة وهذا العمل لم يكن كوظيفه اساسيه ولذلك فاوبر تطلق على من يعمل بهذه الوظيفه شريك لانه يشارك الشركه في الربح والخساره فالعمل بالصيف يجنى ارباح كثيره انما بالشتاء وعند دخول المدارس فالارباح قليله هذا بالاضافه الى ان العربيه لو عطلت باليومين والثلاثه او انت تكون مريض فالشركه مش هتعوضك عن ارباح الايام التي لم تعمل بها فالخساره هتكون عليك
كمان موضوع الربح اليومي بيعتمد عليك فكل لما تفتح الابلكيشن عدد ساعات كتير وتتلقى طلبات كتير هتكسب كتير ولو اشتغلت قليل هتكسب قليل وكل دا بردو بيعتمد عل عدد الطلبات ففي بعض الايام الطلبات بتكون كتيره وايام تكون الطلبات قليله
فنصيحتي لمن يريد العمل مع هذه الشركات ان يعمل بها اثناء وقت فراغه ولا تعتمد عليها كوظيفه اساسيه وكمان موضوع انك تشترى عربيه بالقسط مخصوص علشان تشتغل في اوبر كوظيفه دائمة فهذه مخاطرة قابله للخسارة للاسباب السابقه ولا تضع في حسبانك ان كل الايام والشهور هيكون دخلك فيها محسوب وثابت علشان تسدد الاقساط وتوفر مصاريف بيتك
يريت الناس تركز مجهودها على ايجاد وظيفه ثابته وتكون اوبر وكريم وظيفه اضافيه
بالنسبه لي فانا بشتغل استشارى ايزو الصبح لغاية الساعه الخامسه وبرجع البيت اكل واقعد مع الاسره شويه وابدأ شغل في اوبر وكريم من الساعه 7 حتى 12 باليل وبشتغل في ايام الاجازات بردو في اوبر وكريم لو كنت فاضي ولو عندي مشوار طويل بعمل رحلات عن طريق اوبر علشان اوصل للمكان اللى انا عايزه
يريت اللى عايز يشتغل في اوبر وكريم يشتغل فيهم كوظيفه اضافيه وليست اساسيه