في أصدقاء حذفوني من القائمة عندهم علشان كتبت في أخر مقال لي اني مش عايز أدخل مجال السياسة القذر وطبعا مش فاهمين انا اقصد ايه مع ان المعنى واضح ومفهوم وفاكرين اني خلاص بعت الثورة
طيب علشان اوضح الكلام للي مش فاهم او عايز يفهمني صح كالعادة
في فرق بين انك تعمل بالسياسة بما فيها من دخول انتخابات وعقد مفاوضات والانضمام للأحزاب وعمل تحالفات وسعي الى السلطة وهذا لم ولن أدخل فيه وبين معارضة الظلم والطغيان والدفاع عن المضطهدين وهذا ما انا مستمر فيه
انا لازلت ضد السيسي ونظامه ولازلت معارض له وكنت معارض له أعرف حقيقته قبل الكثير منكم وياما ثوار واخوان خونوني وشتموني علشان موقفي ده
وايضا أنا مستعد للإعتقال والإستشهاد في اي وقت في سبيل كلمة حق عند سلطان جائر وهذا ما أتمناه
من الممكن ان أكون حاليا قليل الكلام في السياسة وذلك لظروف عملى صباحا ومساءا ولكنني مازلت أعارض النظام القائم
اما موضوع نزولى التظاهرات فقد كان اخر نزول لي في المظاهرات في جمعة الأرض ومن بعدها قررت عدم النزول لأنني لن أتحمل نظرات تخوين أخرى من رفقاء الثورة الذين اتظاهر معهم
انا في نظر الكثير أحد العسكرين فالتخوين اصبح ملازم لى منذ انضمامي للثورة وحتى الآن وكلماتي وأفعالى غير مؤثرة فلا تنتظروا مني اني اكون سبب في احداث تغير جوهري في الوضع القائم
انا سأبقى مع الثورة واهدافها وسأناضل معكم ولكنني لن أعمل بالسياسة
يريت اللى مكنش فاهم كلامي يبقى فهمه دلوقتي