بخصوص علاقتى بالضباط
في ناس من وقت لآخر بطلب منى انى اتوسط لها لمنفعه معينه في الجيش
وتوضيح لهذا الأمر فانا اقول لهم
انا كنت في الجيش لمدة أكثر من عشرين سنه اتعرفت فيها على ضباط كتير منهم الكويس ومنهم السيئ زيهم زي أي ناس في اي مؤسسه تانيه
منهم اللي كانوا أصدقائي وأكلت معاهم عيش وملح وتعرفوهم انتم كويس من كتر ماطلعوا في الفضائيات ولا داعى لذكر أسمائهم ومنهم بعد الثورة اللي كان مؤيد لها ومنهم اللى افتتن وعارضها وأيد النظام ومنهم الضباط اللي كان مؤيد للثورة بالسر ومش قادر يتكلم علشان بيته واسرته
وسواء المؤيد للثورة او المعارض لها فأغلب الضباط لم يسأل عنى بعد مشاركتى في الثورة في 2011 وانقطعت الاتصالات معهم من ساعت لما خرجت من السجن وانا اعرف كويس ان اكيد منهم اللى بيتابعنى على الفيس من بعيد لبعيد سواء كان معارض للي عملته او مؤيد واللى متعاطف معي من اللى كانوا ضباط أصدقائي وانا مقدر انهم مش عايزين يتواصلوا معى لأنى أعرف انا وهم أن اتصالهم معى هيسبب لهم مشاكل كبيره فأنا مقدر ذلك
فعلاقتى بالقوات المسلحة تقريبا انتهت من ساعت لما خرجت معاش مبكر ومش هقدر اخدم حد عايز حاجه من الجيش
ومرة أخرى انا بسلم من بعيد لبعيد على أصدقائي الضباط إللى متابعني ومحافظين على مبادئهم النبيلة أما اللي تنازلوا عن مبادئهم فربنا يهديهم