علشان نحط النقط فوق الحروف
انا طبعا ضد سياسة السيسى خارجيا وداخليا ولا يستطيع أحد أن ينكر سياسته مع الكيان الصهيونى المحتل التى أرفضها طبعاً واللى هقوله دا مش معناه تغير فى المواقف أو تلميع لصورة واحد ممن تسبب فى إعتقالى ولكن لازم نتأكد من معلومه معينه إحنا عاملين نرددها ونلاقى نفسنا فى النهاية عمالين نروج لإشاعه لا أساس لها من الصحة وأنا عن نفسى غير مقتنع بها للأسباب الآتية
أولا مينفعش حد يدخل الكلية الحربية إلا إذا كان أبويه وجديه مصريين من ناحية الأم والأب والكلام دا من المؤكد أنه من بعد ثورة يوليو والسيسي دخل الحربية في السبعينات وقت لما كانت هذه الشروط مطبقة
ثانيا محدش بيدخل الكليه الحربية إلا بعد عمل تحريات على المتقدم للحربية والتحقق من صحة البيانات التى يكتبها المتقدم للكلية حول بيانات وجنسية عائلته وصولا للأعمام والأخوال وأولادهم
ثالثا أي تزوير في هذه البيانات تعتبر جريمة ولا أعتقد أنهم كانوا مجندين واحد وهو سنه 17 سنه ومزورين بيانات والدته علشان يدسوه داخل الكلية الحربية ويطلع بعد كدا ضابط ومحدش يتكشفش هذا التزوير طوال فترة خدمته في الجيش وخصوصا أنه بيترقى لرتب تستلزم إعادة البحث والتحرى عن اصله وفصله
رابعا مينفعش بيانات زي دى تعدى على كل الأجهزة الرقابية في الجيش كل هذه السنين دون إكتشاف فمن غير المنطقى إن اسرائيل مجنده كل هذه الأجهزه علشان محدش يتكشف واحد مدسوس من وهو 18 سنه لغاية لما بقى وزير دفاع
هذا كله لا يمنع من إنى ضد سياسة السيسي من زمان ولحد الآن وخصوصا إن اسرائيل هى أول المستفيدين من سياسته وهذا المقال لا يؤكد أو ينفى كونه عميلا أو ليس عميلاً ولكن يجب علينا التأكد من معلومه بنرددها لغاية لما صدقناها