ليه مكتوب عليا انى اتحاسب على اخطاء ضباط تانيه ؟

18 مارس 2018

هو مش طارق الخولى كان بردو من 6 ابريل
ليه محدش قال ان 6 ابريل امنجيه علشان طارق الخولى منهم

هو محمود بدر مش كان بردو من الثوار فى 25 يناير
ليه محدش قال ان الثوار امنجيه علشان محمود بدر منهم

هو ثروت الخرباوي مش كان بردو من الاخوان
ليه محدش قال ان الاخوان امنجيه علشان ثروت الخرباوي منهم

وغيرهم كتير من كل الاحزاب والتوجهات

نفسي حد يجاوبنى
ليه كل تصرف مضاد للثورة يقوم به اي ضابط من ضباط 8 ابريل فيتقال اننا كلنا امنجيه

ليه ؟
حد يجاوبنى ليه ؟
ليه ضباط 8 ابريل بالذات ؟
ليه مكتوب عليا انى اتحاسب على اخطاء ضباط تانيه ؟
حد يجاوبنى اجابه منطقيه علشان استريح

اترك تعليقاً إلغاء الرد

يجب أنت تكون مسجل الدخول لتضيف تعليقاً.