انا مجرد بقول اللى شايفه صح من وجهة نظرى ومن واقع خبرتى والأيام كفيله بإثبات صحة وجهة نظرى

15 يناير 2018

اتخونت واتشتمت من الإخوان لما كنت ضد سياستهم قبل 30 يونيو
واتخونت واتشتمت من الثوار لما كنت ضد تمرد والنزول فى 30 يونيو
واتخونت واتشتمت من ضباط زمايلى لما كنت ضد فض اعتصام رابعه
واتخونت واتشتمت من الاخوان لما قلت للإخوان ان عودة مرسى مستحيله
واتخونت واتشتمت من الاخوان والثوار لما ناديت انهم يتحدوا لنجاح الثورة
واتخونت واتشتمت من مؤيدى حمدين في انتخابات 2014 لما عارضت دخوله الإنتخابات
واتخونت واتشتمت من مؤيدى خالد على في هذه الإنتخابات لما عارضت دخوله هذه الإنتخابات
من الأخر انا مش من النوع اللى بمشى مع الزفه في الصح والغلط

وانا مش من النوع المنافق اللى بأيد مجموعه فى الصح والغلط علشان افضل مكتسب تعاطفها معايا واخاف لحسن تبعد عنى وتحاربنى
وانا ولا هيهمنى تعاطف ثوار معايا او اخوان او جيش او اي فئه في المجتمع
اللى مش عاجبه افكارى فعنده خاصية الغاء الصداقة واللى بيفهم يعنى ايه اختلاف فى وجهات النظر ويقدرها فمرحبا به فمن الوارد انى اكون صح او غلط في بعض المواقف وبردو غيري ممكن يكونوا صح او غلط في بعض المواقف ولكن مش معنى انى خالفتك فى رأيك انى اخونك او اشتمك
انا مجرد بقول اللى شايفه صح من وجهة نظرى ومن واقع خبرتى والأيام كفيله بإثبات صحة وجهة نظرى
ونصيحة لكم لما تحكموا على قضية معينه متحكموش عليها بالعاطفه فقط او بالإنحياز لفئه معينه أنتم تابعين لها بل احكموا عليها بالحق وبما لا يخالف شرع الله ولا تهتموا بعواقب البوح بأفكاركم
من الآخر انا بمشى باللى بشوفه صح ومش هيهمنى كلام حد فيكم على إختلاف توجهاتكم

اترك تعليقاً إلغاء الرد

يجب أنت تكون مسجل الدخول لتضيف تعليقاً.