الناس اللى بتقول عنى انى غاوى منظره وشهره وبسعى لإعجاب الناس

14 مارس 2018

الناس اللى بتقول عنى انى غاوى منظره وشهره وبسعى لإعجاب الناس أقول لهم انى لو فعلا زي ما بتقولوا فأنا ممكن بمنتهى البساطة أغير مواقفى وهتلاقينى ظاهر في الفضائيات والبرامج وهتلاقى أصبح عندى مليون متابع كمان على الفيس ولا هحتاج ساعتها أشتغل فى الايزو او أوبر وهقعد معزز مكرم فى بيتى والفلوس هتيجى لغاية عندى وهسافر الى أي دولة براحتى ومش بعيد كمان أرجع أشتغل ضابط وأتمنظر على إللى زيك ياللى بتقول عنى انى غاوي منظره ومش هيهمنى العشرين ألف اللى بيتابعونى على الفيس دلوقتى ولا أنا فرحان بتعليقاتهم وإعجاباتهم لأنى هيكون عندى ساعتها الأكتر منهم بكتير
ومفيش حد مجبر انه يكون تحت ضغط ورقابه وفى صف الضعفاء علشان ينال إعجابهم بشوية تعليقات وإعجابات لا تتعدى الألف
وانا للعلم فكرت فى أوقات كتيره إنى اغلق صفحتى على الفيس واعتزلكم من كتر الإشاعات اللى طلعت عليا ومن كتر النصائح اللى ياما قلتها ومحدش سمعها أو فهمها فلو إتخذت تلك الخطوه وأغلقت الفيس فأنا متاكد إنى هيتقال عنى إنى خفت وإنسحبت أو إنى أديت دورى المرسوم لي وخلصته وساعتها هضطر إنى أفتح الفيس تانى وأرد على الإتهامات
للأسف أنا من ساعت إعلان إنضمامى للثورة فى أحداث محمد محمود 2011 وأنا مفيش أدامى طريق غير إنى أفضل معاكم وعلى تواصل معكم على الفيس بالرغم من اللى بشوفه منكم قبل من اللى بشوفه من الناس اللى بتظلمكم وكان أدامى إنى أطلع فى الفضائيات وأشتغل مع أحزاب سياسية ولكنى رفضت لأنى مش عايز شهره ومنظره أصلا ومكتفى بالتواصل معكم عن طريق الفيس فقط

اترك تعليقاً إلغاء الرد

يجب أنت تكون مسجل الدخول لتضيف تعليقاً.