صديق رشح لى شيخ بيفسر رؤى فحكيت له على الرؤيا اللى شوفت فيها سيدنا موسى وايوب ويحيى فاتخض وقال لى دا حلم من عند الشيطان علشان يبعدك عن دينك
فقلت له طيب والسبع رؤى اللى شوفت فيهم سيدنا محمد صل الله عليه وسلم ورؤيا شوفت فيها سيدنا يوسف وعدة رؤى شوفت فيها سيدنا عيسى
فقال لى مستحيل يكونوا هم وقال لى دا انا شيخ امام مسجد محافظ على صلاتى كلها جماعه وعمرى ما شوفته في اي رؤيا وبدعى ربنا سنوات طويله علشان اشوفه مره واحدة وغيري بردو شيوخ كتيره نفسهم يشوفوا النبي مره واحده تقوم انت تقول لي انك شوفت سيدنا محمد وموسى وايوب ويحيى ويوسف وعيسى !!!!!!!!!!
قلت له طيب الشيطان غرضه ايه من انه يعمل معايا كدا فقال لى علشان مع الوقت يطلب منك طلبات يبعدك بها عن دينك
هذا رأي شيخ وفى ناس من نفس رأيه وفي ناس تانيه بتقول لى مفيش شيطان بيتمثل بأنبياء
عايز أعرف لو هذه رؤيا من عند الشيطان او المسيخ الدجال يبقى ايه هى المرحلة الثانيه وممكن يعمل معايا ايه وهل ممكن كل اللى بشوفه فى الرؤى تكون خدعه من الدجال؟؟