بعيدا عن الإخوة الذين هاجموني وكفروني دون قراءة كتابي الرسائل المنتظرة
سأنقل لكم رأي أحد الإخوة الذين إنتهوا من قراءة كتابي بحيادية ودون اتهامات مسبقة
وفيما يلي منقول بالنص من أخي باهر تامر والذي يوضح فرق الثقافة بينه وبين غيره من الناس بالرغم من صغر سنه وجاء فيه ما يلي:

 مقال شخصى مهم جداً 

إن الحمد لله نحمده، و نستعينه، ونستغفره، ونعوذ بالله من شرور أنفسنا، ومن سيئات أعمالنا, من يهده الله فلا مضل له، ومن يضلل فلا هادي له، وأشهد أن لا إله إلا الله وحده لا شريك له, وأ شهد أن محمداً عبدُه ورسولُه.
بسم الله الرحمن الرحيم (لَا إِلَٰهَ إِلَّا هُوَ يُحْيِي وَيُمِيتُ ۖ رَبُّكُمْ وَرَبُّ آبَائِكُمُ الْأَوَّلِينَ ( بَلْ هُمْ فِي شَكٍّ يَلْعَبُونَ (9) فَارْتَقِبْ يَوْمَ تَأْتِي السَّمَاءُ بِدُخَانٍ مُّبِينٍ (10) يَغْشَى النَّاسَ ۖ هَٰذَا عَذَابٌ أَلِيمٌ (11) رَّبَّنَا اكْشِفْ عَنَّا الْعَذَابَ إِنَّا مُؤْمِنُونَ (12) أَنَّىٰ لَهُمُ الذِّكْرَىٰ وَقَدْ جَاءَهُمْ رَسُولٌ مُّبِينٌ (13) ثُمَّ تَوَلَّوْا عَنْهُ وَقَالُوا مُعَلَّمٌ مَّجْنُونٌ (14) إِنَّا كَاشِفُو الْعَذَابِ قَلِيلًا ۚ إِنَّكُمْ عَائِدُونَ (15) يَوْمَ نَبْطِشُ الْبَطْشَةَ الْكُبْرَىٰ إِنَّا مُنتَقِمُونَ (16)) [الدخان]

– اولاً انا برجو من كل الناس العندى والمش عندى انها تقرأ هذا المقال.

– هتكلم فى هذا المقال عن رحلتى وتجربتى مع كتاب اسمه (الرسائل المنتظرة)
ولاكن قبل ما اتكلم عنه عايز بس الناس تقرأ الآيه دى كويس ( أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ ۖ وَكَثِيرٌ مِّنْهُمْ فَاسِقُونَ (16) [الحديد]
– مشكلتنا ان احنا منشغلين عن حجات كتير اوى فى حياتنا كدراسة وشغل وسياسة ….إلخ. ومقصرين جامد جداً فى عبادة ربنا رغم ان احنا على ابواب احداث وكوارث صعبة جداً ناس قليلة اوى البتتكلم فيها وهى احداث آخر الزمان.
– انا بقالى كتير جداً ببحث فى مواضيع آخر الزمان والمهدى ودا بسبب انى عندى يقين انا احنا هنتواجد فى الأحداث دى وكنت بتابع شيوخ كتير زى الشيخ خالد المغربى, بسام جرار, عمران حسين……وناس تانية, وعرفت حجات كتير جداً ولاكن كان عندى اسئلة كتير وكان نفسى الاقى اجابة ليها لحد ما فى يوم والدى كلمنى عن شخص اسمه تامر بدر وقالى انه كان بيشوف رؤى غريبة اوى وقالى انه بيعمل كتاب عن احداث آخر الزمان ولاكن كان بيقول انه فى حجات كتير اوى فُسرت غلط وان الكتاب دا فى حجات كتير هتعمل مشاكل بسبب فِكر احنا عرفناه وهو غلط, المهم دخلت وقرأت عنه وبقيت مستنى الكتاب دا بشدة لحد ما جيه اليوم النزل فيه واشتريته بعده بيومين ودا بسبب اهتمامى الشدييييييييد بمحتواه.

– دلوقتى انا هبدأ اتكلم عن رحلتى مع الكتاب.

– اولاً انا 65% من احداث الكتاب انا كنت عارفها ولاكن زى ما قلت فوق كان عندى اسئلة كتير جداً والكتاب جاوبها زى مثلاً ذو الذنب دا لما يجي هيعمل ايه؟ هل هيصتدم بالأرض ولا هيمر بجانبها؟ طب الدخان دا هيحصل ازاى؟ وحجات تانية والحمد لله الأستاذ تامر بدر أجابنى فى كل دا بأدلة من القرآن والسنة وكمان أدلة علمية وانا حرفياً استفدت من الكتاب دا بشدة وعندى استعداد انى اقرأه تانى وتالت……
اما عن الخلاف, فانا لحد دلوقتى مفيش نقطة اختلف فيها مع الكتاب الا حاجة واحدة بس وهى ترتيب الأحداث وطبعاً دا شئ مش مهم انه يتجادل فيه مقابل محتوى الكتاب وتفاصيل الأحداث نفسها وطبعاً محدش ينتظر حد اصلاً يرتب هذه الأحداث.

– نتكلم بقا فى المهم .

– ازاى ما اتهمتش الأستاذ تامر بدر عشان موضوع ان الرسول -صلى الله عليه وسلم- خاتم النبيين فقط وليس خاتم الرسل.
فبكل بساطة زى ما قلت فوق انى كنت متابع شيوخ كتير بتتكلم فى الموضوع دا فكان منهم ناس بتذكر ان المهدى رسول والصراحة انا مش هكذب انا كنت بستغرب ودا عشان انا كنت فاكر ان المهدى هو مجرد قائد لجيوش المسلمين وانه هينشر السلام وانه هيدعو الناس للإسلام لاكن من الكتاب اكتشفت لأ دا المهدى هينذرنا من عذاب وهو انشقاق القمر والدخان وكمان عرفت اننا هنتبع الأمم السابقة فى كل حاجة عملوها وان التاريخ هيعيد بعضه.
حاجة التانية انا فعلاً استغربت من ان الرسول -صلى الله عليه وسلم- خاتم النبيين فقط وليس خاتم الرسل لاكن من المفترض اننا نتأكد بنفسنا من صحة الكلام دا وفعلاً اقعد اليوم دا ابحث فى النت لحد ما لقيت فعلاً موضوع المختار ابن فلفل وعدم صحة حديثه ولقيت كل حاجة ذُكرت فى الكتاب ودا معناه ان احنا الكنا فاهمين غلط وان فتوة زى دى تطلع على حديث ضعيف فدى كارثة كبيرة.
– موضوع البحث دا بقا كان معايا فى اى حاجة تقف قدامى زى مثلا قصة انشقاق القمر دى اصلاً محصلتش ايام الرسول اصلاً.
– طب ايه رأى الشخصى بقا فى موضوع ان المهدى رسووووول؟
زى ما ذكرت فوق ان انا اصلاً كنت بسمعها من شيوخ كتير ولما قرأت الكتاب وبحثت اقعدت اتأمل فى الموضوع شوية واكتشفت ان انا غلط وازاى اصلاً شخص عادى يقوم بالمهام دى انه ينذر الناس من انشقاق القمر وايه الدخان وانه يبقا عنده علم يساوى علم عشر فقهاء وحاجة تانية ذُكرت فى الكتاب وهى ان ازاى شخص عادى سيدنا عيسى يصلى خلفه؟ وحجات تانية كتيييير موجودة فى الكتاب فطبعاً لازم يكون بمنزلة عالية فلازم يكون رسول.

– نصائح منى انا شخصياً بعد الإنتهاء من الكتاب.
– اول حاجة مينفعش تقرأ الكتاب كدا وخلاص لأ بعد ما تخلص فصل شوف على النت صحة الكلام دا واعرف بنفسك.
تانى حاجة متتسرعش بالحكم على المؤلف لأن زى ما قلت فوق شيوخ كتير ذكرت المكتوب فى الكتاب دا غير ان الأستاذ تامر بدر مش الوحيد القال الكلام دا.
تالت حاجة اقرأ الكتاب بنفسك ومتستناش حد يلخصه او يتكلم عنه عشان فعلاً الكتاب مينفعش يتلخص.
رابع حاجة لو فى نقطة انت مازلت مش مقتنع بيها خلاص كمل قراءة بس حاول انك تتقبلها لأن فعلاً فى حجات كتير قدام مهمة مثل الكوارث الطبيعية فبلاش تضيع حجات مهمة قدام فى الكتاب بسبب فكر انت مش مقتنع بيه وبعد ما تخلص جادل بقا مع المؤلف وابحث اكتر فى النقطة المش مقتنع بيها.
واخر حاجة التزم بترتيب الفصول عشان كل فصل بيكمل الفصل البعده والكتاب مكتوب بصيغة سهلة جداً لو طفل بيقرأ هيفهم المكتوب.

– اخر حاجة احب اشكر الأستاذ تامر بدر على اجتهاده الشخصى لأن الكتاب حرفياً فدنى كتير من حجات انا مكنتش اعرفها ومن اسئلة كنت منتظر اجابتها. وأسأل الله تعالى ان يهدينا جميعاً وان يجعل هذا الكتاب فى ميزان حسناته وآخر دعوانا أن الحمد لله رب العالمين، والسلام عليكم ورحمة الله وبركاته.

لنك مقال أخي باهر تامر
https://www.facebook.com/photo.php?fbid=778097796037048…